حڪومت عوام تي پيٽرول بم ڪيرائي ڇڏيو، پيٽرول في ليٽر ساڍا 17 رپيا مهانگو

نگران حڪومت عوام تي پيٽرول بم ڪيرائي ڇڏيو، پيٽرول ساڍا سترنهن رپيا ۽ ڊيزل 20 رپيا في لٽر مهانگو ٿي ويو.

ناڻي واري وزارت طرفان پيٽروليم شين جي نون اگهن جو اعلان ڪري ڇڏيو.

ناڻي واري وزارت موجب، پيٽرول جي قيمت ۾ 17 رپيا 5 پيسا في لٽر اضافو ڪيو ويو آهي جنهن کانپوءِ پيٽرول جي نئين قيمت 290 رپيا 45 پيسا ٿي وئي.

نوٽيفڪيشن موجب، هاءِ اسپيڊ ڊيزل 20 رپيا في لٽر مهانگو ڪيو ويو آهي جنهن کانپوءِ نئين قيمت 293 رپيا 40 پيسا هوندي.

پيٽرول ۽ ڊيزل جي قيمتن ۾ اضافو اڄ کان ئي لاڳو ٿي ويو.