گهوٽڪي: سنڌ ٽي وي نيوز تي خبر هلڻ بعد  نوٽيس، سرڪاري زمين تان قبضو ختم

گهوٽڪي  ۾ سنڌ ٽي وي نيوز جي خبر تي ضلعي انتظاميا نوٽيس وٺندي بس ٽرمينل ڀرسان ڪروڙين رپين جي سرڪاري زمين تان بااثر جو قبضو ختم ڪرائي ڇڏيو.

سي ايم او موجب، زمين ميونسپل ڪميٽي جي آھي، بااثر جو قبضو ختم ڪرايو ويو آھي.

بااثر جو زمين تان قبضو ختم ڪرائڻ بعد انتظاميا ڄاڻايل زمين تي اربن فاريسٽ قائم ڪرڻ جو فيصلو ڪندي  300 ٻوٽا پوکڻ جو سلسلو شروع ڪيو آھي.

اسسٽنٽ ڪمشنر، مختيارڪار ۽ سي ايم او وڻڪاري مهم جو افتتاح ڪيو.

ان موقعي تي اسسٽنٽ ڪمشنر امتياز محسن چيو تھ سرڪاري زمين تي ڪنهن به بااثر کي قبضو ڪرڻ نه ڏنو ويندو…