سنڌ جي نگران وڏي وزير جسٽس رٽائرڊ مقبول باقر، صحت واري صوبائي وزير ڊاڪٽر سعد خالد نياز سان ٽيليفون تي رابطي دوران صوبي ۾ زندگي بچائڻ واري دوائن جي کوٽ تي ڪاوڙ جو اظهار ۽ سمورين اسپتالن ۽ مارڪيٽ ۾ غير معياري دوائن جي وڪري تي ڪارروائي جو حڪم ڏئي ڇڏيو.
سنڌ جي نگران وڏي وزير جسٽس رٽائرڊ مقبول باقر، صحت واري صوبائي وزير ڊاڪٽر سعد خالد نياز سان ٽيليفون تي رابطو ڪيو.
نگران وزير وزير رابطي دوران صوبي ۾ زندگي بچائڻ واري دوائن جي کوٽ تي ڪاوڙ جو اظهار ڪيو آهي.
جسٽس رٽائرڊ مقبول باقر سمورين اسپتالن ۽ مارڪيٽ ۾ غير معياري دوائن جي وڪري تي ڪارروائي جو حڪم ڏئي ڇڏيو.
نگران وڏي وزير، صحت کاتي کان زندگي بچائڻ واري دوائن جي کوٽ بابت رپورٽ طلب ڪري ورتي.
نگران وڏي وزير جسٽس رٽائرڊ مقبول باقر، صحت واري صوبائي وزير کي هدايت ڪندي چيو ته سمورين سرڪاري اسپتالن ۾ معياري دوائن جي فراهمي کي يقيني بڻايو وڃي.
سندس چوڻ هو ته انساني زندگين سان کيڏندڙ عنصرن کي بخش نه ڪيو وڃي، صحت کاتي جا لاڳاپيل آفيسر ميڊيسن مارڪيٽ ۾ انسپيڪشن کي يقيني بڻائن.
نگران وڏي وزير جسٽس رٽائرڊ مقبول باقر، صحت واري صوبائي وزير کي ڊينگي ۽ مليريا پروگرام کي وڌيڪ فعال ڪرڻ جي هدايت ڪندي چيو ته ڊينگي ۽ مليريا کي روڪڻ لاءِ وڌيڪ قدم کنيا وڃن، مڪاني ادارا پنهنجي لاڳاپيل علائقن ۾ مڇر مار اسپري لازمي ڪرائن.
