جيڪب آباد ۾ ڏهن ورهين جي نينگري حسينا کوسا سان زيادتي جي تصديق

جيڪب آباد ۾ ڏهن ورهين جي نينگري حسينا کوسا سان زيادتي جي تصديق ٿي آهي، شروعاتي پوسٽ مارٽم جي رپورٽ سنڌ ٽي وي نيوز هٿ ڪري ورتي.

رپورٽ ۾ چيو ويو آهي ته نينگريءَ سان زيادتي جي تصديق ٿي آهي، سندس جزا ڪڍي ڊي اين اي لاءِ روهڙي موڪليا ويا آهن.

ٻئي پاسي نينگريءَ جي والد ٿاڻي جي منشيءَ تي انصاف ۾ رنڊڪ بڻجڻ جو الزام مڙهيو آهي.

نينگريءَ جي والد سهڻو کوسو جو چوڻ آهي ته منشي انور بنگلاڻي تي اعتراض آهي ان باوجود ايف آئي آر جو متن ان کان لکرايو ويو.

هوڏانهن ذريعن جو چوڻ آهي ته نينگري حسينا کوسي جي وارثن شڪ جي بنياد تي جن ماڻهن جا نالا ڏنا پوليس انهن کي فرار ڪرائي ڇڏيو آهي……