حيدرآباد تعلقي ٻهراڙي جو نوجوان پراسرار نموني گم

حيدرآباد تعلقي ٻهراڙي جي يونين ڪائونسل 70جو نوجوان ڪائونسلر افتخار احمد ملاح پراسرار نموني گم ٿي ويو. راهوڪي ٿاڻي جي حد ڳوٺ موليڏنو ميربحر جو رهواسي يونين ڪائونسل 70 تي پيپلزپارٽي جي ٽڪيٽ تي چونڊيل ڪائونسلر نوجوان افتخار احمد ملاح 30 سيپٽمبر جي ڏينهن منجهند هڪ وڳي ڌاري گهران نڪتو پر واپس نه موٽيو. وارثن مختلف هنڌن تي ڳولا ڪئي پر ڏس پتو نه پئجي سگهيو. نوجوان جي ڀاءُ عمران ملاح راهوڪي ٿاڻي تي گمشدگي بابت اين سي به داخل ڪرائي آهي.