سجاول ۾ وڌندڙ بدامني ۽ واپاري کان ڦر واقعي جا جوابدار گرفتار نه ٿيڻ خلاف هڙتال

سجاول ۾ وڌندڙ بدامني ۽ واپاري کان ڦر واقعي جا جوابدار گرفتار نه ٿيڻ خلاف هڙتال ڪئي وئي

واپارين جي سڏ تي اڌ کان وڌيڪ شهر ۾ ننڍا وڏا ڪاروباري مرڪز بند رهيا.

اڳواڻن جو چوڻ آهي ته شهر ۽ ڀرپاسي وارن علائقن ۾ چوري، ڦر ۽ ڌاڙا روز جو معمول بڻجي ويا آهن.

هنن چيو ته پوليس جي نااهلي سبب ڦرلٽ جي واقعن ۾ اضافو ٿي ويو آهي پر ڪير به پڇڻ وارو ناهي.

سندن چوڻ هو ته پوليس واپاري کان ٿيل ڦر جي واقعي ۾ ملوث جوابدار گرفتار نه ڪري سگهي آهي.

اڳواڻن اعليٰ اختيارين کان مطالبو ڪيو ته بدامني تي ضابطو آڻي امن امان قائم ڪرائي واپاري کان ٿيل ڦر جي واقعي ۾ ملوث جوابدار گرفتار ڪري بيچيني ختم ڪئي وڃي.