سنڌ جي مختلف شهرن ۾ ڌار ڌار روڊ حادثن ۾ ٻه ڄڻا فوت

سنڌ جي مختلف شهرن ۾ ڌار ڌار روڊ حادثن ۾ ٻه ڄڻا فوت ٿي ويا ۽ هڪ ڄڻو زخمي ٿي پيو. ڪنڊياري ويجهو نئون آباد موڙ وٽ ٽريڪٽر ٽرالي ۽ موٽرسائيڪل ۾ ٽڪر جي نتيجي ۾ هڪ ڄڻو فوت ۽ ٻيو زخمي ٿي پيو. حادثي جي نتيجي ۾ قاسم شر فوت ۽ نديم چانڊيو زخمي ٿي پيا، جڏهن ته ٽريڪٽر ڊرائيور فرار ٿيڻ ۾ ڪامياب ٿي ويو. اطلاع تي پوليس  حادثي واري هنڌ پهچي لاش ۽ زخمي کي کڻائي اسپتال منتقل ڪيو، جتان ضروري ڪارروائي بعد مڙهه وارثن حوالي ڪيو ويو. نوجوان جو لاش گهر پهچائڻ تي گهر ڀاتين ۾ ڪهرام مچي ويو. نوري آباد ۾ موٽر وي روڊ تي پاڪستان هوٽل وٽ مسافر ڪوچ جي ٽڪر ۾ نوجوان فوت ٿي ويو. اطلاع تي پوليس حادثي واري هنڌ پهچي نوجوان جو لاش کڻائي اسپتال منتقل ڪيو،   جتي فوتي جي سڃاڻپ نه ٿي سگهي