پڊعيدن ۾ هٿياربندن جي فائرنگ ۾ زخمي ٿيل دڪاندار دم ڏئي ڇڏيو

پڊعيدن ۾ هٿياربندن جي فائرنگ ۾ زخمي ٿيل دڪاندار دم ڏئي ڇڏيو آهي، واقعي خلاف واپارين ۽ شهرين پاران شهر ۾ شٽربند هڙتال ڪري ڌرڻو هنيو ويو. گذريل ڏينهن هٿياربندن جي فائرنگ ۾ زخمي ٿيل دڪاندار اياز مغل کي نوابشاهه مان ڪراچي منتقل ڪيو پئي ويو ته هن رستي ۾ ئي دم ڏئي ڇڏيو. واقعي خلاف شهرين ۽ واپارين پاران شهر ۾ شٽر بند هڙتال ڪري نصرت ڪينال پل تي ڌرڻو هڻي روڊ بلاڪ ڪري ڇڏيو. وارثن جو چوڻ آهي ته اسان جي ڪنهن سان به دشمني ناهي، اياز مغل کي قتل ڪري  ظالمن ظلم ڪيو آهي. هنن اعليٰ اختيارين کان مطالبو ڪيو آهي ته معاملي جو نوٽيس وٺي جوابدارن کي گرفتار ڪري انصاف ڪيو وڃي.