سينيٽر تاج حيدر پاران اليڪشن ڪميشن کي چونڊ اعتراض جي حوالي سان خط

پيپلز پارٽي جي اليڪشن سيل انچارج سينيٽر تاج حيدر  اليڪشن ڪميشن کي خط لکي ڇڏيو، تاج حيدر جو چوڻ آهي ته پولنگ واري ڏينهن موبائل فون ۽ انٽرنيٽ سروس بند ڪرڻ جو ڪو به جواز ناهي. جاري ڪيل پنهنجي بيان ۾ تاج حيدر چيو ته موبائيل فون ۽ انٽرنيٽ جي بندش تي ڪارڪن مايوس نه ٿين، ڪارڪن پنهنجي لاڳاپيل پولنگ اسٽيشنن تي پهچي بلاول ڀٽو زرداري کي وزيراعظم چونڊرائڻ لاءِ پنهنجو ووٽ ڪاسٽ ڪن. پ پ سينيٽر چيو ته پولنگ واري ڏينهن موبائل فون ۽ انٽرنيٽ سروس بند ڪرڻ جو ڪو به جواز ناهي، امن امان لاءِ سيڪيورٽي جا سخت انتظام ڪيا وڃن.