فارم 45 يا 47 سان مسلم ليگ ن جو ڪو به تعلق ناهي : مرتضيٰ سولنگي

سڌ سماءَ واري نگران وفاقي وزير مرتضيٰ سولنگي چيو آهي ته فارم 45 يا 47 سان مسلم ليگ ن جو ڪو به تعلق ناهي، جيڪڏهن ڪنهن اميدوار کي شڪايت آهي ته قانوني فورم موجود آهن. اليڪشن ڪميشن آفيس ٻاهران ميڊيا سان ڳالهائيندي مرتضيٰ سولنگي چيو ته جيڪڏهن ڪنهن اميدوار سان زيادتي ٿي آهي ته کيس انصاف ملڻ گهرجي. هن چيو ته هو وزير جي حيثيت مختلف معاملن جي حل لاءِ اليڪشن ڪميشن جا دورا ڪندو رهندو آهي. سندس چوڻ هو ته اليڪشن ڪميشن 22 فيبروري تائين مڪمل نتيجا ڏيڻ جي پابند آهي. مرتضيٰ سولنگي چيو ته آئين تحت آزاد اميدوار به وزيراعظم جي عهدي لاءِ بيهي سگهي ٿو، جيڪو اڪثريت رکندو هجي ڀلي ڪهڙي به پارٽي جو هجي يا آزاد وزيراعظم ٿي ويندو.