غزه تي اسرائيلي فوج جا حملا جاري،وڌيڪ 127 فلسطيني شهيد ۽ 200 کان وڌيڪ زخمي

غزه تي اسرائيلي فوج جا حملا جاري آهن، گذريل 24 ڪلاڪن دوران وڌيڪ 127 فلسطيني شهيد ۽ 200 کان وڌيڪ زخمي ٿيا آهن. عرب ميڊيا جو چوڻ آهي ته 7 آڪٽوبر 2023 کان هن وقت تائين اسرائيلي فوج جي حملن ۾ شهيد فلسطينين جو انگ 29 هزار کان وڌي ويو جڏهن ته 70 هزار کان وڌيڪ ماڻهو زخمي ٿي چڪا آهن. عرب ميڊيا جو چو آهي ته غزه جا 70 هزار کان وڌيڪ گهر مڪمل طور تباهه ٿي ويا جڏهن ته 130جي لڳ ڀڳ صحافي به اسرائيلي حملن ۾ حياتيون وڃائي چڪا آهن. گڏيل قومن جي هڪ رپورٽ موجب، غزه جي 85 سيڪڙو آبادي خوراڪ ۽ صاف پاڻي کان محروم آهي.