صدر عارف علوي اجلاس نه گهرائي اختيارن جو ناجائز استعمال ڪيو آهي : شازيه مري

پ پ اڳواڻ شازيه مري چيو آهي ته صدر عارف علوي اجلاس نه گهرائي اختيارن جو ناجائز استعمال ڪيو آهي، سندس آئين جي ڀڃڪڙي وارو هر عمل تاريخ جو حصو رهندو. جاري ڪيل بيان ۾ شازيه مري چيو ته ضروري آهي ته صدر وزيراعظم جي سمري تي بنا دير اجلاس گهرائي. هن چيو ته صدر هڪ شخص سان وفاداري بدران آئين تي عمل ڪري، هي اهو ئي صدر آهي جنهن غيرقانوني طور اسيمبلي ٽوڙي هئي. سندس چوڻ هو ته صدر عارف علوي ماضي وانگر آئين سان هٿ چراند ڪرڻ کان پاسو ڪري. شازيه مري چيو ته صدر پاران آئين جي ڀڃڪڙي وارو هر عمل تاريخ جو حصو رهندو، چونڊ عمل مڪمل ٿيڻ بعد صدر اجلاس گهرائڻ جو پابند آهي… هن چيو ته صدر عارف علوي اجلاس نه گهرائي اختيارن جو ناجائز استعمال ڪيو آهي، سندس آئين جي ڀڃڪڙي وارو هر عمل تاريخ جو حصو رهندو.