- Advertisement -
سنڌ هاءِ ڪورٽ بجلي جي بلن ۾ ميونسپل چارجز جي وصولي خلاف جاري منع نامي ۾ واڌ ڪري ڇڏي.
سنڌ هاءِ ڪورٽ ۾ بجلي جي بلن ۾ ميونسپل چارجز جي وصولي خلاف درخواستن تي ٻڌڻي ٿي.
درخواستگذار جي وڪيل چيو ته وفاق جي ماتحت ادارو ضلعي اداري جا ٽيڪس وصول نٿو ڪري سگهي، ڪي ايم سي ٽيڪس وصولي لا پنهنجو طريقيڪار جوڙي.
ڪي ايم سي جي وڪيل چيو ته حڪومت هاڻي ٺهي آهي، دليلن لاءِ ڪجهه مهلت ڏني وڃي.
ڪي ايم سي جي وڪيل چيو ته رولز جي حوالي سان هڪ نئين درخواست داخل ڪئي وئي آهي، جنهن جي اسان کي ڪاپي ناهي ملي.
درخواستگذار جي وڪيل چيو ته هي ڪيس گذريل سان کان ٻڌڻي هيٺ آهي.
عدالت ڪيس جي ٻڌڻي لاڳاپيل بينچ جي موجودگي نه هجڻ سبب 26 مارچ تائين ملتوي ڪري ڇڏي- Advertisement -
