اليڪشن ڪميشن، قومي ۽ صوبائي اسيمبلين جي خالي سيٽن تي ننڍي چونڊ جو شيڊول جاري

اليڪشن ڪميشن، قومي ۽ صوبائي اسيمبلين جي خالي سيٽن تي ننڍي چونڊ جو شيڊول جاري ڪري ورتو آهي. اليڪشن ڪميشن موجب ملڪ ۾ خالي سيٽن تي ننڍي چونڊ 21 اپريل تي ٿيندي. شيڊول موجب قومي اسيمبلي جي ڇهن، پنجاب اسيمبلي جي  ٻارنهن، ڪي پي جي ٻن، بلوچستان جي ٻن ۽ سنڌ اسيمبلي جي هڪ سيٽ تي ننڍي چونڊ ٿيندي. اليڪشن ڪميشن موجب ننڍي چونڊ لاءِ نامزدگي ڪاغذ سورهن کان ارڙهن مارچ تائين جمع ڪرائي سگهبا، ڪاغذن جي ڇنڊڇاڻ 21 مارچ تي ٿيندي ۽ اپيلون 25 مارچ تائين جمع ڪرائي سگهبيون. اليڪشن ڪميشن چيو ته اليڪشن ٽربيونل 28 مارچ تائين اپيلون اڪلائيندا ۽ 29 ماچر تائين ڪاغذ واپس وٺي سگهبا، اميدوارن جي قطعي لسٽ 29 مارچ تي لڳائي ويندي ۽ چونڊ نشان 30 مارچ تي الاٽ ڪيا ويندا.