حڪومتي خرچن کي گهٽايو ويندو ۽ خساري ۾ هلندڙ سرڪاري ادارن کي خانگايو ويندو : وزيراعظم

وزيراعظم شهباز شريف چيو آهي ته حڪومتي خرچن کي گهٽايو ويندو ۽ خساري ۾ هلندڙ سرڪاري ادارن کي خانگايو ويندو، پنجن سالن ۾  معيشيت کي مستحڪم ڪري ان کي ترقي جي رستي تي آڻڻو آهي. وزيراعظم شهباز شريف  جي صدارت هيٺ ملڪي معيشيت جي ترقي لاءِ پنجن سالن واري معاشي روڊ ميپ بابت اعليٰ سطحي اجلاس ٿيو. اجلاس ۾  وفاقي وزير احسن اقبال، محمد جهانزيب، مصدق ملڪ سميت ٻين شرڪت ڪئي. وزيراعظم شهباز شريف چيو ته ملڪي معيشيت جي استحڪام ۽ ترقي لاءِ منصوبن تي عمل ڪيو وڃي. هن چيو ته حڪومتي خرچن کي گهٽايو ويندو ۽ غريب عوام جي پيسي کي وڌيڪ ضايع نه ڪيو ويندو. سندس چوڻ هو ته خساري ۾ هلندڙ سرڪاري ادارن کي  خانگايو ويندو، معيشيت کي مستحڪم ڪري ان کي  ترقي جي رستي تي آڻڻو آهي.