خيبرپختونخواهه حڪومت امن امان قائم ڪرڻ ۾ ناڪام ٿي وئي آهي : بلاول ڀٽو زرداري

پاڪستان پيپلز پارٽي جي چيئرمين بلاول ڀٽو زرداري چيو آهي ته خيبرپختونخواهه حڪومت امن امان قائم ڪرڻ ۾ ناڪام ٿي وئي آهي. اڳوڻي پرڏيهي وزير بلاول ڀٽو زرداري باجوڙ ۾ پاڪستان پيپلزپارٽي جي اڳواڻ آخوند زاده چٽان حملي جي مذمت ڪندي حملي آورن جي فوري گرفتاري جو مطالبو ڪيو آهي. پاڪستان پيپلز پارٽي جي چيئرمين بلاول ڀٽو زرداري وڌيڪ چيو آهي ته باجوڙ ۾ ننڍي چونڊ مهم دوران پيپلز پارٽي جي اميدوار آخوند زاده چٽان کي نشانو بڻائڻ انتهائي ڳڻتي جوڳو آهي. هن چيو ته خيبرپختونخواهه حڪومت ننڍي چونڊن دوران امن امان قائم ڪرڻ ۾ ناڪام وئي آهي، جبر، تشدد ۽ دهشتگردي سان پيپلز پارٽي جي ڪارڪنن کي  جهڪائي نٿو سگھجي.