اليڪشن ڪميشن ۽ ايف بي آر ۾ ڊڪليئر ڪيل بلاول ڀٽو جي ملڪيت ۾ ڪرپشن ڳولڻ جي ناڪام ڪوشش ڪئي وئي: پ پ سينيٽر شيري رحمان

پ پ سينيٽر شيري رحمان چيو آهي ته اليڪشن ڪميشن ۽ ايف بي آر ۾ ڊڪليئر ڪيل بلاول ڀٽو جي ملڪيت ۾ ڪرپشن ڳولڻ جي ناڪام ڪوشش ڪئي وئي. هڪ بيان ۾ پ پ اڳواڻ شيري رحمان جو چوڻ هو ته جلاوطني دوران شهيد محترمه بينطير ڀٽو ڪيترائي سال ٻارن سان گڏ دبئي ۾ رهائش اختيار ڪئي  هئي. هن چيو ته  جلاوطني دوران خريد ڪيل ملڪيت ماءُ پنهنجي ٻارن جي نالي ڪئي. شيري رحمان جو چوڻ هو ته ماءُ جي ملڪيت وراثت ۾ ٻارن کي ملڻ اسان جي معاشري جي روايت آهي. پ پ سينيٽر جو چوڻ هو ته چيئرمين بلاول ڀٽو زرداري ۽ بي بي آصفه ڀٽو زرداري جي پهريان کان ڊڪليئرڊ ملڪيتن جا تفصيل دبئي ليڪ ۾ شامل ڪرڻ ڪو انڪشاف ناهي. هن چيو ته پ پ چيئرمين بلاول ڀٽو زرداري ۽ بي بي آصفه ڀٽو زرداري پنهنجي اثاثن جو ٽيڪس ادا ڪندا آهن