معافي نه گهرڻ جي ڳالهه ڪندڙ پاڻمرادو انقلابي منٿن تي لهي آيو آهي ۽  فوج سان ڳالهيون ڪرڻ چاهي ٿو: مريم اورنگزيب

پنجاب جي سينيئر وزير مريم اورنگزيب چيو آهي ته معافي نه گهرڻ جي ڳالهه ڪندڙ پاڻمرادو انقلابي منٿن تي لهي آيو آهي ۽  فوج سان ڳالهيون ڪرڻ چاهي ٿو. پي ٽي آءِ بانيءَ جي بيان تي رد عمل ۾ مريم اورنگزيب چيو ته شهيدن جا مجسما ٽوڙيندڙ، جي ايڇ ڪيو ۽ ايئربيس تي حملا ڪرائيندڙ ۽ ڪور ڪمانڊر جو گهر ساڙينڊر فوج سان ڳالهيون نه پر ان کان معافي گهري. هن چيو ته پي ٽي آءِ باني شهيدن جي گهرڀاتين کان معافي وٺي، شهيدن جي يادگارن ۽  دفاعي ٺڪاڻن تي حملا تنقيد نه پر رياست تي  حملو هوندو آهي، فاشسٽ جي هر ڳالهه رڳو اقتدار لاءِ هوندي آهي. مريم اورنگزيب چيو ته اقتدار خاطر آئين ٽوڙيندڙ فاشسٽ هوندو آهي