ختم نبوت تي سندن مڪمل ايمان آهي، ڪنهن کي قتل جي فتويٰ جو حق نه ٿو ڏئي  سگهجي: اعظم نذير تارڙ

قانون واري وفاقي وزير، اعظم نذير تارڙ چيو آهي ته ختم نبوت تي سندن مڪمل ايمان آهي، ڪنهن کي قتل جي فتويٰ جو حق نه ٿو ڏئي  سگهجي. قومي اسيمبلي ۾ ڳالهائيندي قانون واري وزير، اعظم نذير تارڙ چيو ته ختم نبوت جو عقيدو سندن ايمان جو حصو آهي، ان لاءِ رياست جي زيرو ٽالرنس هجڻ گهرجي. هن چيو ته اهو هڪ اهڙو قانوني معاملو آهي، جنهن کي پارليامينٽ ۾ بحث هيٺ آڻڻ گهرجي عدالت کي آئين جي تشريح جو اختيار حاصل آهي، ملڪ جو  نظام آئين ۽ قانون موجب هلندو. اعظم نذير تارڙ  تجويز ڏني ته ملڪ ۾ سٺا مذهبي عالم موجود آهن، معاملو ڪميٽيءَ حوالي ڪيو وڃي، فيصلي جو لفظ لفظ پڙهڻ بعد راءِ قائم ڪئي وڃي، اهو شرعي ۽ آئيني مسئلو آهي، ڪميٽي فيصلو ڪري ايوان کي ٻڌائيندي ته ڇا ڪرڻو آهي. قانون واري وفاقي وزير چيو ته آئين جي تشريح ڪندي ڪجهه شقن ئي ري رائٽ ڪيو ويو آهي، ڪميٽيءَ کي ٽائيم فريم ڏنو وڃي ته جيئن معاملو دير جو شڪار نه ٿئي. هن چيو ته  وزيراعظم نيشنل هيپاپائٽس پروگرام جو افتتاح ڪيو آهي، صحت بابت ماڻهن کي معياري سهولتون ملنديون.