مهانگائي ۾ گهٽتائي اچي رهي آهي، هي آءِ ايم ايف جو آخري پروگرام هئڻ گهرجي:وزيراعظم

وزيراعظم شهباز شريف چيو آهي ته مهانگائي ۾ آهستي آهستي گهٽتائي اچي رهي آهي،  هي آءِ ايم ايف جو آخري پروگرام هئڻ گهرجي. وفاقي ڪابينا اجلاس کي خطاب ڪندي وزيراعظم شهباز شريف چيو ته آءِ ايم ايف جي شرطن تي قدم کڻي رهيا آهن. هن چيو ته کين معيشيت ۾ استحڪام ۽ بهتري آڻڻي آهي، هي پاڪستان جي تاريخ جو آخري آءِ ايم ايف پروگرام هئڻ گهرجي. سندن چوڻ هو ته سندن ملڪ معدني وسيلن سان مالامال آهي، روزگار جا موقعا پيدا ڪرڻ هنن جي پهرين ترجيح آهي. وزيراعظم چيو ته اهي هدف حاصل ڪرڻ تي ڌيان ڏي رهيا آهن، سفر ڊگهو ۽ ڏکيو آهي پر ناممڪن نه آهي، پورو يقين آهي ته پنهنجي منزل تي پهچندا. هن چيو ته مهانگائي جو بار آهستي آهستي گهٽي رهيو آهي، مهانگائي 10 سيڪڙو گهٽي آهي، مهانگائي ۾ گهٽتائي جو ڪريڊٽ ٽيم ڏانهن وڃي. سندن چوڻ هو ته هنن کي سمگلنگ جو خاتمو ۽ معشيت ۾ استحڪام آڻڻو آهي. وزيراعظم چيو ته سندن مڪ ۾ وسيلن جي گهٽتائي نه آهي، رات ڏينهن هڪ ڪري حالتون تبديل ڪيون آهن.