نئين امريڪي صدر جي اچڻ کان اڳ سعودي عرب اسرائيل کي تسليم ڪري وٺندو : انٽوني بلنڪن

امريڪي پرڏيهي وزير انٽوني بلنڪن چيو آهي ته نئين امريڪي صدر جي اچڻ کان اڳ سعودي عرب اسرائيل کي تسليم ڪري وٺندو. پرڏيهي خابرو ايجنسي موجب، امريڪي پرڏيهي وزير پريس ڪانفرنس ڪندي دعوى ڪئي ته سعودي عرب نئين امريڪي صدر جي اچڻ کان اڳ ئي اسرائيل کي تسليم ڪري وٺندو. سندس چوڻ هو ته سعودي عرب جي اسرائيل کي تسليم ڪرڻ جي حوالي سان تفصيل نٿو ٻڌائي سگھي، فلحال اهو نٿو ٻڌائي سگھجي ته اهو سڀ ڪيئن ٿيندو. انٽوني بلنڪن چيو ته کيس اميد آهي ته سعودي عرب ۽ اسرائيل وچ ۾ معاملا جنوري کان پهريان ئي حل ٿي ويندا، صدر  بائيڊن غزه جنگ بندي ڪرائي ته سعودي ۽ اسرائيلي لاڳاپن جي بحالي جو مرحلو به مڪمل ٿي ويندو.