برڪس جوغزه  اولهه ڪناري تي اسرائيل جي بمباري سبب وڏي پيماني تي فلسطيني شهرين جي موت، جبري لڏپلاڻ ۽ تباهي تي ڳڻتي جو اظهار

برڪس اجلاس جي گڏيل پڌرائي ۾ وچ اوڀر جي صورتحال تي سخت ڳڻتي ظاهر ڪندي غزه  اولهه ڪناري تي اسرائيل جي بمباري سبب وڏي پيماني تي فلسطيني شهرين جي موت، جبري لڏپلاڻ ۽ تباهي تي ڳڻتي جو اظهار ڪيو ويو. گڏيل پڌرنامي ۾ عالمي برادري کي به لبنان جي صورتحال تي خبردار ۽ شهرين جي جاني نقصان تي افسوس جو اظهار ڪيو ويو. برڪس گڏيل پڌرنامي ۾ يوڪرين جي مسئلي تي گڏيل قومن جي چارٽر تي عملدرآمد ۽ تڪرار کي ڳالهين ذريعي حل ڪرڻ تي زور ڏنو ويو. برڪس اجلاس جو ٻيو ڏينهن ٻه طرفن ڳالهين جو مرڪز رهيو، جنهن دوران روسي صدر پيوٽن پنهنجي چيني هم منصب شي جن پنگ، ڀارتي وزيراعظم نريندر مودي، ڏکڻ آفريڪا ۽ مصري صدرن ۽ ٻين اڳواڻن سان ملاقاتون ڪيون. ملاقاتن ۾ اقتصادي تعاون وڌائڻ ۽ تنظيم ۾ نوان ميمبر شامل ڪرڻ تي خيالن جي ڏي وٺ ڪئي وئي.