پاڪ چين لاڳاپن کي نقصان پهچائڻ واريون سموريون ڪوششون ناڪام بڻايون وينديون:لين جيان

چيني پرڏيهي وزارت جي ترجمان لين جيان چيو آهي ته پاڪ چين لاڳاپن کي نقصان پهچائڻ واريون سموريون ڪوششون ناڪام بڻايون وينديون. جاري ڪيل بيان ۾ چيني پرڏيهي وزارت جي ترجمان چيو ته چين دهشتگريد جي خاتمي واريون ڪارروايون اڳتي وڌائڻ ۾ پاڪستان جي حمايت جاري رکندو. هن چيو ته ٻئي ملڪ پاڪ چين لاڳاپن کي نقصان پهچائڻ وارين سمورين سازشن کي ناڪام بڻائڻ ۽ دهشتگردن کي انجام تائين پهچائڻ جو عزم ۽ صلاحيت رکن ٿا. لين جيان چيو ته چين ۽ پاڪستان اسٽريٽجڪ ڀائيوار آهن، ٻه طرفو اعتماد ۽ سهڪار ڪمزور ڪرڻ جي ڪا به ڪوشش ڪامياب نه ٿيندي. چيني پرڏيهي وزارت جي ترجمان چيو ته چين پاڪستان جي معاشي  ۽ سماجي ترقي توڙي ماڻهن جي حالت بهتر بڻائڻ لاءِ حمايت جاري رکندو.