- Advertisement -
نائب وزيراعظم ۽ پرڏيهي وزير اسحاق ڊار چيو آهي ته پاڪستان موسمياتي تبديلي سبب سخت متاثر ڏهن ملڪن ۾ شامل آهي.
باڪو ۾ موسمياتي تبديلين کي منهن ڏيڻ بابت ڪوٺايل تقريب کي خطاب ڪندي اسحاق ڊار چيو ته هو آبادين جي تحفظ جي ڪوشش ۾ متحد ٿيڻ لاءِ پرعزم آهن، پاڪستان جهڙن پٺتي پيل ملڪن لاءِ ڪلائميٽ فنانسنگ جي ضرورت آهي.
هن چيو ته دنيا عالمي گرمي پد ۾ اضافي کي منهن ڏئي رهي آهي، پاڪستان محدود وسيلن باوجود موسمياتي تبديليءَ کي منهن ڏيڻ لاءِ پرعزم آهي.
نائب وزيراعظم چيو ته 2022ع واري ٻوڏ 3 ڪروڙ کان وڌيڪ پاڪستانين کي متاثر ڪيو، کين 30 ارب ڊالر جو نقصان ٿيو.
اسحاق ڊار چيو ته اڳواٽ اطلاع جو اثرائتو نظام هجي ها ته ٻوڏ جي تباهيءَ کان بچي سگهجي پيو، هو ڪاربن خارج ٿيڻ جي شرح کي 50 سيڪڙو گهٽائڻ لاءِ پرعزم آهن، گرين پاڪستان پراجيڪٽ ۾ سمورا ماحول دوست قدم شامل آهن…- Advertisement -
