سمنڊ پار پاڪستانين سول نافرماني جي ڪال رد ڪئي آهي: مريم اورنگزيب

پنجاب جي سينيئر صوبائي وزير مريم اورنگزيب چيو آهي ته سمنڊ پار پاڪستانين سول نافرماني جي ڪال رد ڪئي آهي، پرڏيهه ۾ آباد پاڪستاني ڪوڙ، دوکي ۽  فراڊين جي ڏٺي ۾ اچڻ وارا نه آهن. هڪ بيان ۾ مريم اورنگزيب چيو ته ماريو، باهه ڏيو، گارگند، غنڊا گردي، ڪوڙ، فراڊ ۽ سول نافرماني جون ڪالون عوام جو پيٽ نه ٿيون ڀري سگهن، نو مئي  جي ڏوهارين کان ملڪي ترقي، سنڀالجندڙمعيشيت، عوام جي خوشحالي هضم نه ٿي رهي آهي. هن چيو ته نو مئي  جا ڏوهاري، ملڪ ڦريندڙ چور ۽ ملڪ کي باهه ڏيندڙ ٺڳ ڪنهن رعايت جا حقدار نه آهن. سندس چوڻ هو ته سمنڊ پار پاڪستاني سنڀالجندڙمعيشيت ۾ پنهنجو حصو وٺي رهيا آهن. مريم اورنگزيب چيو ته ڪڏهن ٻين تي ڪوڙا الزام، ڪڏهن سائفر جو فراڊ، هر ڳالهه تي ڪوڙ هاڻي ڪو به مڃڻ وارو ناهي، “ آمريڪا پنهنجي حڪومت ڪيرائي” کان ويندي “ آمريڪا مون کي بچايو” ڪو شرم هوندو آهي ڪو حيا هوندو آهي. هن چيو ته سمنڊ پار پاڪستانين جا ٿورائتا آهن جيڪي ملڪي معيشيت مضبوط  بڻائڻ ۾ ڀرپور ڪردار ادا پيا ڪن. سندس چوڻ هو ته وزيراعظم شهباز شريف جي قيادت مبارڪباد جي حقدار آهي، اٺن مهينن دوران مهانگائي جي رفتار 38 کان گهٽ ٿي 4 سيڪڙو ۽ وياج جي شرح 22 کان 13 سيڪڙو تي اچڻ معجزي کان گهٽ ناهي