وزيراعظم شهباز شريف هڪ ڏينهن جي دوري تي آزاد ڪشمير روانو

وزيراعظم شهباز شريف آزاد ڪشمير جي هڪ ڏينهن جي دوري تي روانو ٿي ويو آهي. دوري دوران وزيراعظم شهباز شريف ڪشمير سان ٻڌي واري ڏهاڙي جي موقعي تي آزاد ڪشمير جي قانون ساز اسيمبلي کي خطاب ڪندو. وزيراعظم آل پارٽيز حريت ڪانفرنس جي اڳواڻن سان ملاقات پڻ ڪندو. آزاد ڪشمير ۽ گلگت بلتستان معاملن جو وفاقي وزير انجنيئر امير مقام، صنعت ۽ پيداوار جو وفاقي وزير راڻا تنوير حسين ۽ اطلاعات ۽ نشريات جو وفاقي وزير عطاءُ الله تارڙ پڻ وزيراعظم سان گڏ آهن.