پاڪستان چين ۽ امريڪا وچ ۾ پـُل جو ڪردار ادا ڪري سگھي ٿو:بلاول ڀٽو زرداري

پاڪستان پيپلزپارٽي جي چيئرمين بلاول ڀٽو زرداريءَ چيو آهي ته پاڪستان چين ۽ امريڪا وچ ۾ پـُل جو ڪردار ادا ڪري سگھي ٿو. جرمني جي شهر ميونخ ۾ سڪيورٽي ڪانفرنس جي موقعي تي جرمن نشرياتي اداري کي انٽرويو ڏيندي بلاول ڀٽوز رداري چيو ته هنن هميشه امريڪا ۽ چين وچ ۾ پل جو ڪردار ادا ڪيو آهي. انٽرويو ۾ چيئرمين بلاول ڀٽو زرداري چيو ته چين امريڪا جي ڀيٽ ۾ پاڪستان جي پوزيشن مختلف آهي، پاڪستان موجوده ورڇ کي وڌائڻ بدران گھٽائڻ جي ڪوشش ڪندو، امريڪي صدر ٽرمپ ڊيل ميڪر آهي. بلاول ڀٽو زرداريءَ سي پيڪ جهڙن منصوبن جي اهميت تي زور ڏنو ۽ ان سان گڏ امريڪا سان لاڳاپن کي به ضروري قرار ڏنو. انٽرويو دوران بلاول ڀٽو زرداريءَ پاڪستان جي اندروني مسئلن تي به ڳالهايو ۽ بهتر حڪمت عملي جي ضرورت تي زور ڏنو.