سعودي ولي عهد سان امريڪي پرڏيهي وزير جي ملاقات،عالمي صورتحال تي خيالن جي ڏي وٺ

سعودي ولي عهد شهزادي محمد بن سلمان سان امريڪي پرڏيهي وزير مارڪو روبيو جي ملاقات ٿي جنهن ۾ عالمي صورتحال تي خيالن جي ڏي وٺ ڪئي وئي. سعودي ميڊيا موجب، سعودي ولي عهد شهزادي محمد بن سلمان سان امريڪي پرڏيهي وزير مارڪو روبيو رياض ۾ ملاقات ڪئي جنهن دوران ٻنهي اڳواڻن علائقائي ۽ عالمي صورتحال تي خيالن جي ڏي وٺ ڪئي. سعودي ميڊيا جو چوڻ آهي ته ملاقات ۾ ٻنهي ملڪن وچ ۾ ٻه طرفن لاڳاپن کي وڌائڻ جي طريقن جو جائزو ورتو ويو. ملاقات ۾ غزه جنگبندي معاهدي ۽ فلسطين مسئلي تي به خيالن جي ڏي وٺ ٿي، جڏهن ته روس يوڪرين جنگ روڪڻ جي باري ۾ به ڳالهيون ڪيون ويون. امريڪي پرڏيهي کاتي طرفان جاري بيان ۾ چيو ويو آهي ته ملاقات ۾ ٻنهي اڳواڻن غزه ۾ اهڙي انتظام جي اهميت تي ڳالهه ڪئي جيڪا علائقائي سلامتي ۾ مددگار ثابت ٿئي.