ڪراچي: خانگي ڪمپني ۾ گئس خارج ٿيڻ سبب 8 پورهيت بيهوش

ڪراچي ۾ فشريز اندر خانگي ڪمپني ۾ گيس خارج ٿيڻ سبب 8 ڄڻا بيهوش ٿي ويا. ريسڪيو ذريعن جو چوڻ آهي ته متاثر ماڻهن کي اسپتال منتقل ڪيو ويو آهي جتي سندن حالت خطري کان ٻاهر ٻڌائي پئي وڃي. پوليس جو چوڻ آهي ته گيس ليڪيج جو واقعو گلڊ اسٽوريج ۾ استعمال ٿيندڙ امونيا گيس ليڪ ٿيڻ سبب پيش آيو، گيس ليڪيج جي مرمت جو ڪم مڪمل ڪيو ويو آهي ان سلسلي ۾ وڌيڪ جاچ ڪئي پئي وڃي. ڊي ايس پي ارشد آفريدي جو چوڻ آهي ته گيس ليڪيج واقعي جي تفصيلن جو جائزو ورتو پيو وڃي جلد ان جي جاچ مڪمل ڪئي ويندي.