امن معاهدي کانپوءِ يوڪرين ۾ امن فوج مقرر ڪري سگھجي ٿي : فرانسيسي صدر

فرانسيسي صدر ايمانوئل ميڪرون چيو آهي ته امن معاهدي کانپوءِ يوڪرين ۾ امن فوج مقرر ڪري سگھجي ٿي. پنهنجي هڪ بيان ۾ فرانسيسي صدر چيو ته روس يوڪرين امن معاهدي جي صورت ۾ يورپي فوج يوڪرين ۾ موڪلي سگھجي ٿي. هن چيو ته يورپي فوج يوڪرين ۾ فرنٽ لائين تي نه هوندي، ان جي مقرري صرف سلامتي جي ضمانت جي طور هوندي. پرڏيهي خابرو ايجنسي موجب، يورپي چيفس آف اسٽاف ايندڙ هفتي پيرس ۾ فرانسيسي صدر ايمانوئل ميڪرون سان ملاقات ڪندو.