مصطفيٰ عامر اغوا ۽ قتل ڪيس جي اسپيشل پراسيڪيوٽر ذوالفقار آرائين، ڊي آءِ جي سي آءِ اي، ايس ايس پي ۽ جاچ آفيسر کي خط لکي ڇڏيو

مصطفيٰ عامر اغوا ۽ قتل ڪيس جي اسپيشل پراسيڪيوٽر ذوالفقار آرائين، ڊي آءِ جي سي آءِ اي، ايس ايس پي ۽ جاچ آفيسر کي خط لکي ڇڏيو، سندس چوڻ آهي ته هن هدايتن لاءِ پراسيڪيوشن طرفان خط لکيو آهي. خط ۾ چيو ويو آهي ته جوابدار ارمغان جي پيءُ ۽ مقتول جي ماءُ کي جاچ ۾ شامل ڪيو وڃي، جوابدار ارمغان ۽ سندس ساٿي دهشتگردي يا دهشتگرد گروپن جي مالي مدد ۾ ملوث ٿي سگهن ٿا. خط ۾ موقف اختيار ڪيو ويو آهي ته جوابدار ارمغان مني لانڊرنگ ۾ ملوث ۽ تعلق ملڪ دشمن عنصرن سان ٿي سگهي ٿو. اسپيشل پراسيڪيوٽر ذوالفقار آرائين خط ۾ لکيو آهي ته حقيقت تائين پهچڻ لاءِ نيم فوجي قوتن ۽ حساس ادارن کان مدد وٺڻ گهرجي، جوابدار ارمغان جو تعلق عالمي منشيات وڪرو ڪندڙن سان به ٿي سگهي ٿو، جاچ ۾ جوابدار ۽ مقتول جي دوستن کي به شامل ڪيو وڃي. خط موجب، ٻنهي جا دوست آهن، مرد ۽ عورتون، ڇوڪرا ۽ ڇوڪريون سڀني کان پڇا ڳاڇا ڪئي وڃي جيڪي جوابدار ۽ مقتول سان لاڳاپيل آهن، جوابدار ارمغان جي ملڪيت، ڪاروبار، بينڪ اڪائونٽس ۽ سفر جي تاريخ حاصل ڪرڻ گهرجي. خط ۾ موقف اختيار ڪيو ويو آهي ته مصطفيٰ عامر جي ڪاروبار، ملڪيت ۽ سفر جي تاريخ حاصل ڪئي وڃي، جنهن موبائل فون تان ڀنگ جي ڪال ڪئي وئي هئي ۽ جنهن موبائل فون تي ڪال آئي هئي، ٻنهي جو فارنزڪ معائنو ڪيو وڃي. اسپيشل پراسيڪيوٽر خط چيو ته جوابدار جي گهر مان هٿ آيل هٿيارن ۽ گولين سان ڀريل بيگ کي ڪيس پراپرٽي بڻايو وڃي، ڪيس پراپرٽي ۾ 64 ليپ ٽاپ، 3 واڪي ٽاڪي سيٽ، ڊجيٽل محفوظ لاڪر ۽ ٻه سڃاڻپ ڪارڊ به جاچ ۾ شامل ڪيا وڃن. ذوالفقار آرائين خط ۾ لکيو آهي ته سڀني هٿ آيل ٿيل شين جو فارنزڪ معائنو ڪيو وڃي،  جوابدار هٿيار ڪٿان خريد ڪيا؟، خريداري جي معلومات ڪنهن کان حاصل ڪرڻ گهرجي؟. اسپيشل پراسيڪيوٽر ذوالفقار آرائين چيو ته ڊي ايڇ اي سيڪيورٽي انچارج ۽ مقامي انٽيليجنس ايجنسين جي آفيسرن جي مدد وٺڻ گهرجي، مقامي پوليس کان پڇا ڪئي وڃي ته اهي ايتري عرصي کان اکيون ڇو بند ڪري ويٺا هئا. اسپيشل پراسيڪيوٽر خط ۾ موقف اختيار ڪيو آهي ته جوابدار جي گهر ۽ ڀرپاسي جي سي سي ٽي وي فوٽيج جو فارنزڪ معائنو ڪيو وڃي، ڪيس جي حوالي سان سوشل ميڊيا، پرنٽ ۽ اليڪٽرانڪ ميڊيا جي مواد کي ڪيس پراپرٽي بڻايو وڃي. لکيل خط موجب، مصطفيٰ عامر جو ارمغان جي گهر اچڻ کانپوءِ ڪار جو بلوچستان ڏانهن وڃڻ واري واقعي سميت سڀني هنڌن جون تصويرون ڪڍيون وڃن، جوابدار جي مالڪن کان به پڇا ڳاڇا ڪئي وڃي، ڪرائي جو معاهدو ڏسڻ گهرجي، بنگلو ڪيئن ڪرائي تي ڏنو ويو؟. خط موجب، رهائشي علائقي ۾ واپري سرگرميون ڇو ٿي رهيون آهن؟.