- Advertisement -
بلوچستان جي ضلعي نوشڪي ۾ سڪيورٽي فورسز جي قافلي تي آپگهاتي حملي ۾ ٽن جوانن سميت 5 ڄڻا شهيد ٿي ويا، جڏهن ته جوابي ڪارروائي ۾ 3 دهشتگرد مارجي ويا.
آءِ ايس پي آر موجب، دهشتگردن نوشڪي ضلعي ۾ سڪيورٽي فورسز جي قافلي تي آپگهاتي حملو ڪيو، جنهن جي نتيجي ۾ سڪيورٽي فورسز جا 3 جوان ۽ 2 شهري شهيد ٿي ويا.
آءِ ايس پي آر جو چوڻ آهي ته شهيد جوانن ۾ سرهاڙي واسي حوالدار منظور علي، نصير آباد واسي حوالدار علي بلاول، بدين واسي نائڪ عبدالرحيم، ڪوئيٽا واسي شهري ڊرائيور جلال الدين ۽ خاران جو محمد قوي شامل آهن.
آءِ ايس پي آر موجب، فائرنگ جي ڏي وٺ ۾ 3 دهشتگرد مارجي ويا.
آءِ ايس پي آر جو چوڻ آهي ته سڪيورٽي فورسز دهشتگردي جي خاتمي لاءِ پرعزم آهن.
هوڏانهن وزيراعظم شهباز شريف نوشڪي ۾ بم ڌماڪي جي مذمت ڪندي قيمتي جانيون ضايع ٿيڻ تي ڏک جو اظهار ڪيو.
وزيراعظم شهيدن جي وارثن سان ڏک ۽ تعزيت جو اظهار پڻ ڪيو.
شهباز شريف ڌماڪي ۾ زخمي ٿيلن کي هر ممڪن طبي امداد ڏيڻ جي هدايت پڻ ڪئي.
وزيراعظم جو چوڻ هو ته اهڙي قسم جي بزدلاڻي ڪارروايون دهشتگردي خلاف سندن عزم ڪمزور نٿيون ڪري سگهن..- Advertisement -
