ايف آءِ اي مصطفي’ عامر قتل ڪيس جي مک جوابدار ارمغان کان ڪيل جاچ جي رپورٽ عدالت ۾ پيش ڪري ڇڏي

ايف آءِ اي مصطفي’ عامر قتل ڪيس جي مک جوابدار ارمغان کان ڪيل جاچ جي رپورٽ عدالت ۾ پيش ڪري ڇڏي. دهشتگردي ٽوڙ عدالت ۾ پيش ڪيل ايف آءِ اي جي رپورٽ موجب ارمغان جي ليپ ٽاپ مان عالمي فراڊ گروپ جون شاهديون مليون آهن، ارمغان ۽ سندس جي پيءُ ڪامران قريشي فراڊ ڪرڻ لاءِ ڪمپني ٺاهي، جنهن ڪمپني جي سالياني آمدني 3 کان 4 لک آمريڪي ڊالر هئي، ۽ ڪمپني ۾ 25 ايجنٽ ڪم ڪري رهيا هئا. رپورٽ موجب ارمغان افنان نالي شخص ذريعي لگزري گاڏيون خريد ڪيون، جن جي قيمت 15 ڪروڙ 40 لک رپيا آهي. ايف آءِ اي رپورٽ موجب ڪمپني جي ٻئي مالڪ ڪامران قريشي ۽ اڻڄاتل شخص افنان کي جوابدار ۽ نه ئي گواهه بڻايو ويو. جوابدار ارمغان کي ايف آءِ اي پاران سڀاڻي ٻيهر عدالت ۾ پيش ڪيو ويندو. واضح رهي ته جوابدار ارمغان مني لانڊرنگ ۽ ٻين الزامن جي چئن ڪيسن ۾ رمانڊ تي آهي.