ڊي جي آءِ ايس پي آر جي آزاد ڄمون ڪشمير جي تعليمي ادارن جي شاگردن ۽ استادن سان ويهڪ

ڊي جي آءِ ايس پي آر ليفٽيننٽ جنرل احمد شريف چوڌري جي آزاد ڄمون ۽ ڪشمير جي مختلف تعليمي ادارن جي شاگردن ۽ استادن سان خاص ويهڪ ٿي. خاص ويهڪ ۾ خان محمد خان پوسٽ گريجوئيٽ ڪاليج، ميرپور يونيورسٽي آف سائنس اينڊ ٽيڪنالاجي ۽ گورنمينٽ پوسٽ گريجوئيٽ ڪاليج فار گرلز جي شاگردن ۽ استادن شرڪت ڪئي. شاگردن جو چوڻ هو ته آپريشن بنيان المرصوص جي ڪاميابي تي شاگردن ۽ ڪشمير واسين طرفان مبارڪ پيش ڪريون ٿا. سندن چوڻ هو ته اهي پاڪ فوج سان گڏ بيٺل آهن ۽ جانين جو نذرانو ڏيڻ کان به پاسو نه ڪندا. شاگردن جو چوڻ هو ته پاڪستان ۽ ڪشمير کي دنيا جي ڪابه طاقت جدا نٿي ڪري سگهي. استادن جو چوڻ هو ته پاڪستان خطي ۾ نيٽ ريجنل اسٽيبلائزر طور تي اڀري اڳيان آيو آهي.