ڏهرڪي ۾ طلاق کانپوءِ پسند جو پرڻو ڪندڙي ناري قتل، سندس مڙس مرڻينگ

ڏهرڪي ۾ طلاق کانپوءِ پسند جي شادي ڪندڙي ناري قتل ۽ سندس مڙس کي مرڻينگ ڪيو ويو آهي. اڳوڻي مڙس حضور بخش مگسي هٿياربندن سان گڏجي فوزيه مگسي جي گهر تي حملو ڪري کيس گوليون هڻي قتل ڪري ڇڏيو ۽  سندس مڙس عباس مگسي سخت زخمي ٿي پيو. زخمي عباس مگسي جو چوڻ آهي ته فوزيه ڏيڍ سال اڳ حضور بخش مگسي کان طلاق وٺي ساڻس پسند جي شادي ڪئي هئي، اڳوڻو مڙس ڌمڪيون ڏيندو هو ۽ پنج لک رپيا گهرندو هو. هن چيو ته پيسا ڏيڻ کان انڪار ڪرڻ تي گهر تي حملو ڪري فوزيه کي گوليون هڻي قتل ۽ کيس ڏنڊا هني زخمي ڪيو ويو آهي. ياد رهي ته ڪراچي واسڻ فوزيه مگسي، حضور بخش مگسي کي ڇڏي عباس مگسي سان پسند جي شادي ڪئي هئي.