- Advertisement -
غزا ۾ ٻن سالن کان هلندڙ خوني جنگ جي خاتمي لاءِ معاهدو عملي طور لاڳو ٿي ويو آهي.
مصري ميڊيا القاهره ٽي وي موجب، غزا ۾ جنگبندي بابت معاهدو پاڪستاني وقت موجب 2 وڳي لاڳو ٿي ويو.
مصري پرڏيهي وزارت غزا ۾ جنگبندي معاهدي کي اهم لمحو قرار ڏيندي چيو ته شرم الشيخ ۾ ٿيل هاڪاري اڳڀرائي غزا جنگ ۾ هڪ اهم موڙ جي نمائندگي ڪري ٿو،
مصر جو پرڏيهي وزير بدر عبدالعاطي اڄ پيرس روانو ٿيندو جتي هو غزا جي صورتحال بابت وزارتي اجلاس ۾ شرڪت ڪندو.
اسرائيلي وزيراعظم جي آفيس جاري ڪيل بيان ۾ چيو آهي ته جنگبندي اڄ شام اسرائيلي حڪومت طرفان معاهدي جي منظوري کانپوءِ لاڳو ٿيندو.
اسرائيلي عهديدار ٻڌايو ته غزا مان 20 اسرائيلي يرغمالين جي آزادي آچر يا سومر تي ٿيڻ جو امڪان آهي.
هوڏانهن عرب ٽي وي چئنل سان ڳالهائيندي حماس اڳواڻ اساما حمدان چيو ته جنگ جي خاتمي جي اعلان تائين قيدين جي مٽاسٽا نه ٿيندي.
هن چيو ته ٽياڪڙن ضمانت ڏني آهي ته اسرائيل جنگبندي معاهدي جي ڀڃڪڙي نه ڪندو، معاهدي موجب اسرائيلي جيلن ۾ عمر قيد جي سزا ٻڌايل 250 قيدي آزاد ٿيندا ۽ غزا جي سترهن سئو قيدين کي به آزاد ڪيو ويندو.
هن چوي ته معاهدي تحت اسرائيلي فوج کي غزا شهر، اتر غزا، رفح ۽ خان يونس مان نڪرڻو آهي……………- Advertisement -
