صدر آصف علي زرداري ٽن ڏينهن جي سرڪاري دوري تي قطر پهچي ويو

صدر آصف علي زرداري ٽن ڏينهن جي سرڪاري دوري تي قطر پهچي ويو. حماد انٽرنيشنل ايئرپورٽ تي صدرِ مملڪت ۽ سندس وفد جو استقبال سينيئر قطري اختيارين ۽ دوحه ۾ مقرر پاڪستان جي سفير ڪيو. صدر آصف علي زرداري عالمي سماجي ترقياتي ڪانفرنس ۾ شرڪت ڪندو. صدر مملڪت پنهنجي خطاب ۾ عالمي برادري کي سماجي ترقي ۽ گڏيل ترقي بابت پاڪستان جي کنيل قدمن بابت آگاهه ڪندو. صدر آصف علي زرداري سماجي تحفظ، غربت گھٽائڻ ۽ ڪمزور طبقي کي مستحڪم ڪرڻ ۾ بينظير انڪم سپورٽ پروگرام جي ڪردار تي روشني وجهندو. ان کان علاوه صدر مملڪت دوحه الائنس، سوشل پروٽيڪشن اينڊ جابز ڪمپيڪٽ جي شروعات لاءِ پاڪستان جي ڪوششن ۽ عالمي ترقياتي واعدن سان هم آهنگ منصوبن تي ڳالهائيندو. صدر آصف علي زرداري پنهنجي دوري دوران مختلف عالمي، علائقائي اڳواڻن ۽ عالمي تنظيمون جي نمائندن سان ملاقاتون پڻ ڪندو……