خيرپور ناٿن شاهه ۾ اسسٽنٽ ڪمشنر اشاعت الزھري پاران شهر جو گشت ڪري کاڌي پيتي جي شئين جو وڌيڪ اگهه وٺندڙ دڪاندار کان ڏنڊ وصول ڪيو

خيرپور ناٿن شاهه ۾ اسسٽنٽ ڪمشنر اشاعت الزھري پاران شهر جو گشت ڪري کاڌي پيتي جي شئين جو وڌيڪ اگهه وٺندڙ دڪاندار کان ڏنڊ وصول ڪيو. اي سي طرفان شھر جو دورو ڪري اگھن جي لسٽ ظاھر نہ ڪندڙ ۽ واڌو قيمت وٺندڙ دوڪاندارن کان ڏنڊ وصول ڪيو ويو. مارڪيٽ ڪميٽي جي نااھلي سبب اگھن جي لسٽ دوڪاندارن تي پھچ نہ ٿيڻ تي اي سي پاران ڪاوڙ جو اظھار ڪيو ويو. اسسٽنٽ ڪمشنر اشاعت زھري ميڊيا سان ڳالھيندي چيو تہ ھول سيلرن جون شڪايتون آھن تہ اھي ريڙھي ۽ ريزڪي دوڪان وارن کي قرض ۾ گروي ڪري من پسند اگھن تي شيون وڪرو ڪن ٿا. اي سي جو چوڻ هو ته شروعاتي طور هول سيلرن کي ھدايتون ڪري انهن کان ڏنڊ وصول ڪيو ويو آهي. سندس چوڻ هو ته جيڪڏھن ھٿرادو مھانگائي ختم نہ ڪئي وئي تہ انھن خلاف وڌيڪ سخت ڪاروائي ڪئي ويندي.