مير مرتضيٰ ڀٽو قتل ڪيس جي اپيلن جي ٻڌڻي 2 ڊسمبر تائين ملتوي

پ پ شهيد ڀٽو جي سربراهه ۽ ذوالفقار علي ڀٽو جي پڳدار پٽ مير مرتضيٰ ڀٽو قتل ڪيس جي اپيلن جي ٻڌڻي 2 ڊسمبر تائين ملتوي ڪئي وئي آهي. سنڌ هاءِ ڪورٽ ۾ مير مرتضيٰ ڀٽو قتل ڪيس جي اپيلن تي ٻڌڻي ٿي. ايڊووڪيٽ فيصل صديقي جي غير موجودگي سبب سنڌ هاءِ ڪورٽ طرفان ڪيس جي ٻڌڻي ملتوي ڪئي وئي. وقتي چيف جسٽس ظفر راجپوت ريمارڪس ڏيندي چيو ته هي هاءِ ڪورٽ جي سڀ کان پراڻي اپيل رهجي وئي آهي، گهٽ ۾ گهٽ ان کي ته ٻڌڻ ڏيو. وڪيل جو چوڻ هو ته ڪيس ۾ ڪيترائي جوابدار فوت ٿي چڪا آهن. عدالت ڪيس جي ٻڌڻي 2 ڊسمبر تائين ملتوي ڪري ڇڏي.