آئل گيس ريگيوليٽري اٿارٽي (اوگرا) هلندڙ مالي سال لاءِ گيس جي قيمتن۾ اضافي جي منظوري ڏئي ڇڏي آهي

آئل گيس ريگيوليٽري اٿارٽي (اوگرا) هلندڙ مالي سال لاءِ گيس جي قيمتن۾ اضافي جي منظوري ڏئي ڇڏي آهي. ان حوالي سان اوگرا جي ترجمان جو چوڻ آهي ته گيسن جي قيمتن ۾ سراسري 17 ڏهائي 14 سيڪڙو تائين اضافي جي منظوري ڏني وئي آهي. اوگرا موجب، سوئي ناردرن لاءِ گئس جي قيمت 1852 رپيا 80 پيسا في ايم ايم بي ٽي يو ڪئي وئي. سوئي سدرن لاءِ گئس جي قيمت 1777 رپيا 2 پيسا في ايم ايم بي ٽي يو منظور ڪئي وئي آهي. ان کان اڳ اوگرا گئس جي قيمتن ۾ سراسري طور تي 8 سيڪڙو گهٽتائي جي دعويٰ ڪئي هئي. ڪجهه دير کانپوءِ اوگرا اختيارين واضح ڪيو ته هلندڙ مالي سال لاءِ گئس جي قيمتن ۾ ڪا به گهٽتائي نه پر واڌ جي منظوري ڏني وئي آهي..