- Advertisement -
سنڌ هاءِ ڪورٽ جي آئيني بينچ چنگچي رڪشائن تي پابندي خلاف درخواست تي سنڌ حڪومت ۽ ٻين ڌرين کان جواب طلب ڪري ورتو.
چنگچي رڪشا ايسوسيئيشن طرفان سنڌ حڪومت جي فيصلي کي سنڌ هاءِ ڪورٽ ۾ چئلينج ڪري ڇڏيو.
درخواست ۾ موقف اختيار ڪيو ويو آهي ته سنڌ حڪومت جي فيصلي سبب 60 هزار چنگچي رڪشا متاثر ٿيا آهن.
عدالت ريمارڪس ڏيندي چيو ته سنڌ حڪومت جو لکت ۾ جواب اچڻ ڏيو، پوءِ ان سڄي معاملي جو جائزو ورتو ويندو.
درخواست ڏيندڙ جي وڪيل جو چوڻ هو ته سنڌ حڪومت شهر جي 26 اهم روٽن تي چنگچي رڪشائن جي اچ وڃ تي پابندي لڳا آهي.
سندس چوڻ هو ته انهن وٽ روٽ پرمٽ به موجود آهن، پابندي روٽ پرمٽ رد ڪرڻ کانسواءِ لڳائي وئي آهي.
وڪيل جو چوڻ هو ته چنگچي رڪشائن تي پابندي سبب رڪشا هلائيندڙ ۽ چنگچي رڪشا ٺاهيندڙ ڪمپني ۾ ڪم ڪندڙ هزارين پورهيت بي روزگار ٿي ويا آهن.
عدالت سنڌ حڪومت، ٽريفڪ پوليس ۽ چنگچي رڪشا ٺاهيندڙ ڪمپني کي نوٽيس جاري ڪندي ڌرين کان 3 فيبروري تي جواب طلب ڪري ورتو.- Advertisement -
