آگسٽ جو ڏهاڙو عظيم قربانين جي ياد ڏياري ٿو، ڌرتيءَ جي هزارين پٽن وطن جي دفاع لاءِ جان جو نذرانو ڏنو : آءِ ايس پي آر

آءِ ايس پي آر چيو آهي ته 14 آگسٽ جو ڏهاڙو عظيم قربانين جي ياد ڏياري ٿو، ڌرتيءَ جي هزارين پٽن وطن جي دفاع لاءِ جان جو نذرانو ڏنو، پاڪ فوج عوام جي حمايت سان وطن جو دفاع ڪندي.

آءِ ايس پي آر طرفان جاري ڪيل بيان ۾ چيو ويو آهي ته هٿياربند فوج ۽ عسڪري قيادت قوم کي آزادي جي ڏهاڙي جون مبارڪون ڏنيون آهن.

آءِ ايس پي آر موجب، اڄوڪي ڏينهن تي اچو عهد ڪيون ته قومي اتحاد برقرار رکندا ۽ دشمن قوتن کي ڪامياب ٿيڻ نه ڏيندا، هو هر قيمت تي ملڪ جو دفاع  ڪندا.

پاڪ فوج جي ترجمان موجب، هٿياربند فوج پاڪستاني عوام جي اميدن موجب قوم جي خدمت جاري رکندي.