اسڪول جي ٻارن تي حملو ظلم آهي، اسرائيل سموريون حدون پار ڪري ڇڏيون آهن: وزيراعظم شهبازشريف

وزيراعظم شهبازشريف غزا ۾ اسڪول  تي اسرائيلي حملي جي مذمت ڪندي چيو آهي ته اسڪول جي ٻارن تي حملو ظلم آهي، اسرائيل سموريون حدون پار ڪري ڇڏيون آهن، عالمي برادري اسرائيلي ظلم روڪڻ لاءِ عملي قدم کڻي. جاري ڪيل بيان ۾ شهباز شريف چيو ته اسرائيل کي ظالماڻين ڪاررواين جي سخت سزا ڏني وڃي. هن چيو ته اسرائيل خلاف انصاف جي عالمي عدالت جي فيصلي تي عمل ڪرايو وڃي، پاڪستان هر محاذ تي  فلسطيني ڀيڻ ڀائرن جي اخلاقي ۽ سفارتي حمايت جاري رکندو. وزيراعظم چيو ته هو هڪ ڀيرو ٻيهر پنهنجو مطالبو ورجائن ٿا ته فلسطينين جي نسل ڪشي ۽ جنگي ڏوهن تي اسرائيلي قيادت ۽ سڪيورٽي فورسز کي انصاف جي ڪٽهڙي ۾ آندو وڃي