اليڪٽرانڪ ڪرائيم ايڪٽ وارو معاملو، وزيراعظم طرفان سياسي ڪميٽي قائم

اليڪٽرانڪ ڪرائيم ايڪٽ واري معاملي تي وزيراعظم طرفان سياسي ڪميٽي قائم ڪرڻ جو نوٽيفڪيشن جاري ڪيو ويو آهي، راڻا ثناءُالله ڪميٽي جو چيئرمين هوندو. ڪميٽي قائم ڪرڻ جو نوٽيفڪيشن وزيراعظم آفيس طرفان جاري ڪيو ويو، جنهن موجب راڻا ثناءَ الله ڪميٽيءَ جو چيئرمين هوندو. نوٽيفڪيشن موجب اعظم نذير تارڙ، عطا الله تارڙ ،خالد مقبول صديقي، شزا فاطمه، خالد حسين مگسي، شيري رحمان ۽ اٽارني جنرل انور منصور ڪميٽيءَ جا ميمبر هوندا. جاري ڪيل نوٽيفڪيشن موجب ڪميٽيءَ جي سفارش تي ٻين ماڻهن کي به ان جو حصو بڻائي سگهبو. ڪميٽي اليڪٽرانڪ ڪرائيم ايڪٽ بابت سياسي مفاهمت پيدا ڪرڻ جي ڪوشش ڪندي ۽ بل جي ترميمن بابت سفارشون  تيار ڪندي. نوٽيفڪيشن موجب ڪميٽيءَ طرفان سفارشون پندرهن ڏينهن اندر وزيراعظم کي پيش ڪيون وينديون.