اوٻاوڙي ويجهو هٿياربند ٽن ڀائرن کي اغوا ڪري ويا

اوٻاوڙي ويجهو هٿياربند ٽن ڀائرن کي اغوا ڪري ويا، واقعي خلاف دشتي برادري پاران احتجاجي مظاهرو ڪري ڌرڻو هنيو ويو آهي، وارثن جو چوڻ آهي ته هٿياربندن فون ڪري چيو آهي ته جيستائين پوليس سندن ٻن ساٿين کي  آزاد نه ڪندي تيستائين هو مغوين کي آزاد نه ڪندا. کنڀڙا ٿاڻي جي حد ۾ هٿياربند ڳوٺ تي چڙهائي ڪري ٽن ڀائرن الله داد دشتي، الله يار  ۽ يار محمد دشتي کي اغوا ڪري ويا. مغوين جي وارثن پاران سنڌ-پنجاب دنگ تي احتجاجي مظاهرو ڪري ڌرڻو هنيو ويو آهي. وارثن جو چوڻ آهي ته ڏوهارين فون ڪري چيو آهي ته جيستائين پوليس سندن گرفتار ڪيل ٻن ساٿين کي آزاد نه ڪندي تيستائين هو مغوين کي آزاد نه ڪندا. هنن اعليٰ اختيارين کان مطالبو ڪيو  آهي ته معاملي جو نوٽيس وٺي سندن مغوين کي بازياب ڪرايو وڃي، ٻي صورت ۾ سندن ڌرڻو جاري رهندو. واضح رهي ته ٻه ڏينهن اڳ مريد شاخ واري علائقي مان پوليس ڳوٺاڻن جي مدد سان ٻن ڏوهارين بنو لاشاري ۽ فدا حسين لٺاڻي مزاري کي زخمي حالت ۾ گرفتار ڪيو هو………..