- Advertisement -
خيبرپختونخوا جي ضلعي مردان ۾ دهشتگردن خلاف آپريشن دوران فائرنگ جي ڏي وٺ ۾ ايس پي شهيد ٿي ويو ۽ ڊي ايس پي سميت ٽي اهلڪار زخمي ٿي پيا، جڏهن ته پوليس جي جوابي فائرنگ ۾ ٻه دهشتگرد به مارجي ويا.
مردان ضلعي جي علائقي ڪاٽلنگ ۾ دهشتگردن جي موجودگي جي اطلاع تي انٽيلي جنس بيسڊ آپريشن ڪيو ويو.
پوليس جو چوڻ آهي ته آپريشن دوران دهشتگردن پوليس مٿان فائرنگ ڪري ڏني.
سي ٽي ڊي ذريعن موجب دهشتگردن جي فائرنگ جي نتيجي ۾ ايس پي اعجاز خان شهيد ٿي ويو.
سي ٽي ڊي ذريعن جو چوڻ آهي ته فائرنگ ۾ ڊي ايس پي نسيم خان، ٻه اهلڪار منصور ۽ سليم زخمي ٿي پيا.
پوليس ذريعن جو چوڻ آهي ته آپريشن ۾ پوليس کي گهربل دهشتگرد محسن قادر سميت 2 دهشتگرد مارجي ويا.
پوليس جو چوڻ آهي ته زخمي ڊي ايس پي ۽ اهلڪارن کي اسپتال منتقل ڪيو ويو.
پوليس جو چوڻ آهي ته شهيد ايس پي اعجاز خان جي پوليس لائنز ۾ جنازي نماز ادا ڪئي وئي.
پوليس موجب، جنازي نماز ۾ ڊي پي او مردان ۽ ٻين پوليس عملدارن شرڪت ڪئي.- Advertisement -
