دنيا جو سڀ کان وڏو هائوسنگ منصوبو سنڌ ۾ ٺهي رهيو آهي: سنڌ جي وڏو وزير مراد علي شاهه

سنڌ جي وڏي وزير مراد علي شاهه چيو آهي ته دنيا جو سڀ کان وڏو هائوسنگ منصوبو سنڌ ۾ ٺهي رهيو آهي، برساتي ٻوڏ متاثرن لاءِ 21 لک گهرن جي اڏاوت ڪئي پئي وڃي، پ پ قيادت جي هدايت تي عوام دوست منصوبن تي ڪم ٿي رهيو آهي، 15 سالن دوران سنڌ ۾ وڏا ترقياتي ڪم ٿيا آهن. لاهور ۾ پنجاب جي گورنر سليم حيدر سان گڏ پريس ڪانفرنس ڪندي سنڌ جي وڏي وزير مراد علي شاهه چيو ته دنيا جو سڀ کان وڏو هائوسنگ منصوبو سنڌ ۾ ٺهي رهيو آهي. سندس چوڻ هو ته برساتي ٻوڏ متاثرن لاءِ 21 لک گهرن جي اڏاوت ڪئي پئي وڃي، پ پ قيادت جي هدايت تي عوام دوست منصوبن تي ڪم ٿي رهيو آهي. سنڌ جي وڏي وزير مراد علي شاهه چيو ته 15 سالن دوران سنڌ ۾ وڏا ترقياتي ڪم ٿيا آهن، ٿر جي ڪوئلي مان سڀ کان سستي بجلي پيدا ٿي رهي آهي. هن چيو ته سنڌ جي عوام جي خدمت ترجيح آهي، صوبي جي عوام هميشه پيپلزپارٽي تي اعتماد جو اظهار ڪيو. سنڌ جي وڏي وزير مراد علي شاهه چيو ته سنڌ سرڪار عوام جي خدمت تي يقين رکي ٿي، خيبرپختونخوا دهشتگردي سبب سڀ کان وڌيڪ متاثر صوبو آهي. پنجاب جي گورنر سليم حيدر جو چوڻ آهي ته مسلم ليگ نون کي پيپلزپارٽي سان ڪيل واعدن تي عمل ڪرڻو پوندو