روھڙي : دبر ٿاڻي جي حد مان هٿياربند واپارين کان لوڊر سميت 2 مينهون ڦر ڪري فرار

روھڙي ويجهو واپاري کا لوڊر ۽ ٻه مينهون ڦر ڪري فرار ٿيندڙ ڏوهارين جو پوليس پيڇو ڪري مبينا مقابلي بعد هڪ ڏوهاري کي زخمي حالت ۾ گرفتار ڪري ڦر ڪيل مينهون ۽ جمبو لوڊر هٿ ڪري ورتا. دبر ٿاڻي جي حد ۾ هٿياربند، واپارين کان جمبو لوڊر  ۽ ٻه مينهون ڦر ڪري فرار ٿي ويا. ايس ايس پي ترجمان موجب دبر پوليس ڏوهارين جو پيڇو ڪيو ته ڏوهارين فائرنگ ڪري ڏني، جوابي فائرنگ ۾ هڪ ڏوهاري سخت زخمي ٿي پيو جڏهن ته چار ڏوهاري  فرار ٿي ويا. ترجمان موجب زخمي  ڏوهاري جي سڃاڻپ بشير احمد طور ٿي آهي، جنهن وٽان ٽي ٽي پسٽل ۽ گوليون هٿ ڪيون ويون آهن . سندس چوڻ هو ته ڏوهارين  کان ڇڏايل مينهون ۽ جمبو لوڊر مالڪن حوالي ڪيا ويا آهن.