سعودي عرب کي ريڪوڊڪ جا 15 سيڪڙو شيئر وڪڻڻ جي منظوري

سعودي عرب کي ريڪوڊڪ جا 15 سيڪڙو شيئر وڪڻڻ جي منظوري ڏني وئي آهي. حڪومتي ذريعن موجب وفاقي ڪابينا 15 سيڪڙو شيئرز 540 ملين ڊالرن ۾ وڪڻڻ جي منظوري ڏيندي سرڪيوليشن ذريعي سمري جي منظوري ورتي وئي. سعودي عرب کي شيئرز سڌو سنئون عالمي ٽرانزيڪشن ايڪٽ تحت وڪرو ڪيا ويندا، سعودي عرب پاڪستان کي ٻن قسطن ۾ 540 ملين ڊالر ادا ڪندو. پهرين مرحلي ۾ 10 سيڪڙو شيئرز جي منتقلي لاءِ 330 ملين ڊالر ڏنا ويندا، جڏهن ته ٻئي مرحلي ۾ 5 سيڪڙو شيئرز جي منتقلي لاءِ 210 ملين ڊالر ادا ڪيا ويندا. سعودي فنڊ فار ڊولپمينٽ به بلوچستان ۾ معدنيات جي ترقي لاءِ 150 ملين رپيا ڏيندو، سعودي عرب به چاغي ۾ معدنيات جي ڳولا لاءِ سيڙپڪاري ڪرڻ جو خواهشمند آهي. ريڪو ڊڪ منصوبي ۾ وفاقي ۽ بلوچستان حڪومتن جا 50 سيڪڙو شيئر آهن.