- Advertisement -
سنڌ حڪومت طرفان منشيات وڪرو ڪندڙن خلاف ڪريڪ ڊائون جاري آهي.
ڪراچي ۾ ايڪسائيز نارڪوٽيڪس ڪنٽرول ڪارروايون ڪندي تعليمي ادارن ۾ منشيات سپلاءِ ڪندڙ ٽن جوابدارن کي گرفتار ڪري منشيات هٿ ڪري ورتي.
ايڪسائيز نارڪوٽيڪس ڪنٽرول ڳجهي اطلاع تي ڪورنگي ڪريڪ روڊ ويجهو انسٽيٽيوٽ آف بزنس مينيجمينٽ ڪراچي ۾ ڪارروائي دوران منشيات وڪرو ڪندڙ شيراز آفتاب کي گرفتار ڪري ورتو.
گرفتار جوابدار آفتاب شيراز وٽان 510 گرام آئيس ۽ ڪار هٿ ڪئي وئي.
جوابدار شيراز آفتاب پاران ڪراچي جي اڪثر تعليمي ادارن ۾ آئس سپلاءِ ڪرڻ جو به انڪشاف ٿيو آهي.
ايڪسائيز نارڪوٽيڪس ڪنٽرول هڪ ٻي ڪارروائي ۾ منشيات وڪرو ڪندڙ شاهنواز کي گرفتار ڪري 500 گرام هيروئن ۽ موٽرسائيڪل هٿ ڪري ورتي.
ايڪسائيز نارڪوٽيڪس ڪنٽرول ملير جي ڀينس ڪالوني واري علائقي نيشنل يونيورسٽي ويجهو ڪارروائي دوران جوابدار ثاقب خان کي گرفتار ڪري سندس قبضي مان 505 گرام آئس ۽ 120 گرام هيروئن هٿ ڪئي وئي.
ايڪسائيز نارڪوٽيڪس ڪنٽرول جوابدارن خلاف ڪيسَ داخل ڪري جاچ شروع ڪري ڇڏي.- Advertisement -
